Vastelaovendsaktiviteite

Es ’t november weurt, begint ’t Trekkersblood al langzaam te kriebele.

IMG_1624De maondag veur ’t oetrope vaan ’t nui Vastelaovendsleedsje is de ierste vergadering. Tijdens dees vergadering weure de nui Vastelaovendsspengskes gepresenteerd ter oondersteuning vaan de Mestreechter Vastelaovend en weurt wijer gesproke euver de aktiviteite boe veer ze aon de maan/vrouw kinne bringe.

Zoe wie bij:
– ’t Oetrope vaan ’t nui Vastelaovendsleedsje
– D’n 11de vaan d’n 11de
– De jaorvergadering vaan de Tempeleers.

Nao dees aktiviteite weure de mötse en de plaquètte weer opgeborge tot nao Nuijaor.

De maondag veur ’t Oetrope vaan de Groeten Oonbekinde steit in ’t teike vaan:
– De cortège vaan de Statie nao de Merret
– meh eve wiechteg is de indeiling wee boe geit stoon um de spengskes te verkoupe

Nao ’t oetrope blieve de Trekkers veur de Mestreechter Vastelaovend op de mieste Vastelaovendsbijeinkomste spengskes verkoupe zoe wie bij :
– ‘t Veldeke Vastelaovendscabberèt
– Kaffee De Zeuten Inval
– De Zate Hermeniekes Vergadering

IMG_0516Op de maondag veur de Vastelaovend vint de lètste bijeinkoms plaots mèt de Trekkers en Tempeleers veur de Vastelaovend. D’n aovend begint mèt de euverdrach vaan ’t Vastelaovendsdrejbook. Aonsletend kump d’n Hoegen Hoeglöstegheid op wèrkbezeuk en weure de Trekkers veurzeen vaan hun dik verdeende medaalje.

Naotot de kuite good ingevèt zien, begint op zaoterdag de Vastelaovend mèt ’t Inhole.

Op zoondagmörge koume alle Trekkers te same bij ‘n Heileg Huiske um daonao vaan ‘ne geweldege lunch te genete, dee us eige vrouwlui make. Aonsletend kump ederein te same bij de opstèlplaots en es de cortège begint, zien alle Trekkers volop in functie, tösse Wieck en ’t Vriethof.

Op Maondag gebäört wied ’t zelfde, allein door ‘ne kleinere gróp.

De Vastelaovendskallepin is hei te bekieke.