Veer zien gruuts dat veer ut nuij spengske vaan 2022 kinne prizzentere.
‘T spengske vaan dit jaor heet de vörm vaan ’n kanon, ’t zoegenaomp
“Momuskanon” , dee de vastelaovend eeder jaor insjöt.
‘T spengske is ontworpe door Juul Persoon.’ N zier bekinde Mestreechteneer, umtot heer in väöl vereiniginge actief is.
De Aspergepiepers, ’t Reuzegilde, Sint Lambertus, Vreug en Neugter en Preuvenemint-mètwerker.
Heer is werkzaam beij Oostwegel Collections es technische deens.
Heer heet ouch ’n productiebedrief: “Mediapersoon”.
De inspiratie kreeg heer toen heer mèt zien dochter aon ‘t teikene waor en toen hadde ze ‘t euver de vastelaovend. Zien dochter vroog of ze weer nao die vrow ophaange ginge en met die hiele hèlle kenonsjeut. Toen kreeg heer t idee um gèt mèt ‘t kenon te goon doen. En umtot ste aofgeloape jaor e kenon kos aofsjete in de stad zoonder dat dr iemes in de straote waor.
‘T spengske is weer verkriegbaar in ’t goud of zèlver en kos weer 3 euro per stök en is te koup bij onderstaonde verkaoppunte.
Tevens te verkriege beij alle Trèkkers en online beij spengske@detrekkers.nl
De opbrings kömp weer ten gooje vaan de Mestreechter Vastelaovend.

  • Funny Deco – Clavecymbelstraat 12
  • Brasserie Monte Nova – Luikerweg 78
  • Ut Rommedoeke – Brusselsepoort 37
  • Ut Rommedoeke – Wyckerbrugdstraat 43
  • Ut Rommedoeke – De Leim 8
  • Dionie’s Toy Palace – Mariastraat 3a
  • D’Deux – Platielstraat 16
  • Fietsspecialist Aon de Stasie – Stationplein 26
  • Prima – Baron van Hovelstraat 69
  • Sigarenmagazijn Geurten – Akersteenweg 90
  • Bernaards Dans- en Partycentrum – Brusselsestraat 97