Ver zien gruuts dat veer ut nuij spengske vaan 2023 kinne prizzentere.
‘T spengske vaan dit jaor heet de vörm vaan ’t Mooswief, de patrones vaan de mestreechter vastelaovend.
‘T spengske is ontworpe door Thera Peeters.
‘N zier bezundere Mestreechse, umtot haor hoes gans in ’t teike steit vaan de mestreechter vastelaovend.
Gein onbekinde winnares want in 1998 had ze al ’n kier gewónne.
Same mèt haore maan is zie lid vaan zaate hermenie Blamaasj.
Zie is werkzaam beij Radar es begeleider vaan verstandelijk gehandicapten in de arbeidsmatige dagbesteding Cyou1 .
De inspiratie kreeg zie toen zie in Se-Gietere, boe zie woent, ‘t Mooswief moos speule.En toen zie naor de kranslegging op zaoterdag ging loere wis zie ’t zeker. Toen kreeg zie ’t idee um ’n ontwerp vaan ’t mooswief veur ’t spengske te make.
‘T spengske is dit jaor allein verkriegbaar verkriegbaar in ’t zèlver en kos, ondaanks de inflatie, weer 3 euro per stök en is te kaop bij onderstaonde verkaoppunten.
3 euro, eve deur es ’n pèlske, dus laote veer us eine drinke op ’t Mooswief.
Tevens te verkriege beij alle Trèkkers en online beij spengske@detrekkers.nl
De opbrings kömp weer ten gooje vaan de Mestreechter Vastelaovend.

Funny Deco – Clavecymbelstraat 12
Brasserie Monte Nova – Luikerweg 78
Ut Rommedoeke – Brusselsestraat 37
Ut Rommedoeke – De Leim 8
Ut Rommedoeke – Wyckerbrugstraat 43
D’deux – Platielstraat 16
Prima – Baron van Hövelsttaat 69
Dione’s Toy Palace – Mariastraat 3a
Fietsspecialist Aon de Stasie – Stationsplein 26
Carnavalsshop ’t Mooswief – Hoenderstraat 7
Bakkerij Van der Weerdt – Ambyerstraat Noord 134
Bakkerij Van der Weerdt – Ambyerstraat Noord 21
Bakkerij Van der Weerdt – Akersteenweg 72
Sigarenmagazijn Geurten – Akersteenweg 90