Oetrope Prins vaan Mestreech

Op zoondag 2 fibberwarie heet Mestreech Ziene Stadsprins oetgerope. Veer es Trekkers zien daan op 2 plaotse bezeg.

Op de Merret weurt veur de oondersteuning vaan de Mestreechter Vastelaovend in de breidste zin vaan ’t woord, oondersteuning, ‘t Trekkersspengskes verkoch. Deen opbrings is neet allein veur de Tempeleers, meh ouch veur aander instanties.

‘ne Maan of 8 zien daan volop bezeg in Wieck, boe de cortège veur ’t oetrope volgens de Tempeleersplanning opgestèld weurt. Roond de klok vaan 13.00 oor vertrèk dizze cortège naor de Merret. Dizze cortège weurt geopend door ’t Garderizzjemint De Kachelpiepers, daonao volge de SMV-Vereineginge en inkel aander wieckvereineginge, De Jäöghoeglöstegheid vaan Groet Mestreech maak ouch deil oet van de cortège. Roond de klok vaan 15.00 oor zörge veer deveur tot de Groeten Oonbekinde op de Merret arriveert um zoe aon ’t Volk Vaan Mestreech geprizzenteerd te weure.